Лира “қулади” – ундан фойдаланмаслик хато

 

Греция ва Болгария аҳолиси турк лирасининг қулаши фонида қўшни Туркияга харид қилиш учун автобус ва машиналарда  боришмоқда. Мамлакат иқтисодий инқирозни бошидан кечирмоқда, инфляция 21 фоиздан ошди, бу озиқ-овқат, ёқилғи ва уй-рўзғор буюмлари нархида ўз аксини топмоқда. Бундан эса  хорижликлар фойдаланиб қолмоқда.  

“Бу ерда харид қилиш мен учун қулайроқ, мен Янги йил учун кийим-кечак, озиқ-овқат ва болалар учун зарур бўлган ҳамма нарсани сотиб оламан. Болгарияда ҳамма нарса бу ердан анча қиммат. Мен 500 левани лирага  алмаштирдим, бу  ҳаммасига  етади”, – дейди Болгариядан келган сайёҳ Гулфи Осинова.

Маълумот учун: 20 декабрь куни турк валютаси АҚШ долларига нисбатан 18 лира 36 курушни ташкил қилиб, тарихдаги энг паст даражага етди. Шундан кейин Туркия президенти Ражаб Тоййиб Эрдўғон лирадаги депозитларни валюта курсининг ўзгаришидан ҳимоя қилиш учун янги молиявий воситаларни эълон қилганидан кейин у аста-секин тиклана бошлади. Йил давомида турк валютаси долларга нисбатан тахминан 40% қийматини йўқотди. 

Эслатиб ўтамиз, 2022 йилнинг февраль-март ойларида Россия, Туркия ва Эрон пандемия масаласида саммит ўтказиши хабар қилинган эди.