Автобус ва метронинг ҳаракатланиш вақти узайтирилмоқда
Жамоат транспортларининг байрам кунлари қай тартибда ишлаши маълум бўлди.
2021 йил 31 декабрь дам олиш куни метрополитен доимий тасдиқланган жадвал асосида ҳаракатланади. Иш вақтининг тугаши эса 1 соатга узайтирилади, яъни барча метро бекатлари 31 декабрь 05:00 дан 1 январь соат 01:00 гача йўловчиларга хизмат кўрсатади.
2022 йил 1–4-январь кунлари метрополитен якшанба куни учун тасдиқланган жадвал асосида (поездлар 40% га камайтирилган ҳолатда) ҳаракатланади.
Шунингдек, Тошкент шаҳрида автобусларнинг байрам кунларида ҳаракатланиш тартиби қуйидагича бўлади:
2021 йил 31 декабрь – дам олиш куни. Шанба кунлари учун тасдиқланган жадвал асосида, иш вақтининг тугаши 1 соатга узайтирилмоқда;
2022 йил 1 январь – дам олиш куни. Якшанба кунлари учун тасдиқланган жадваллар сони 40% га камайтирилган ҳолда ишга чиқарилиши режалаштирилган;
2022 йил 2 январь – дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган;
2022 йил 3 январь – дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган;
2022 йил 4 январь – дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган;
2022 йил 8 январь – шанба, иш куни. Иш кунлари учун тасдиқланган жадваллар бўйича ҳаракатини давом эттиради.
