Путин Шавкат Мирзиёевни Янги йил билан табриклади
Россия етакчиси ўз табригида 2022 йилда Москва ва Тошкент ўртасидаги долзарб масалалар бўйича самарали мулоқот ва яқин ҳамкорликдаги ишлар давом этишига умид билдирган.
“Бу, шубҳасиз, дўст Россия ва Ўзбекистон халқларининг туб манфаатларига жавоб беради, Марказий Осиё минтақасида тинчлик, хавфсизлик ва барқарорликни таъминлашга мос келади”, — дейилади Кремль сайтида чоп қилинган табрик матнида.
Шунингдек, Путин Ўзбекистон раҳбарининг ноябрь ойидаги Москвага ташрифи икки давлат ўртасидаги стратегик шериклик мустаҳкамлигини тасдиқлаганини қайд этган. Икки давлат раҳбарларининг музокаралари ҳамкорликнинг янги истиқболларини белгилаш имконини берган.
