Ҳафта бошида айрим ҳудудларда ёмғир ёғади

 

Ўзгидромет 2 январь соат 20.00 дан 3 январь соат 20.00 гача бўлган об-ҳаво прогнозини маълум қилди. Унга кўра, айрим ҳудудларда ёмғир ёғади, айрим жойларда эса туман тушиши мумкин.

 

Тошкент шаҳрида ҳаво ўзгариб туради, кечаси ва эрталаб ёмғир ёғади, кундузи ёғингарчилик кутилмайди. Ҳарорат кечаси 3-5 даража, кундузи 13-15 даража илиқ бўлади.

 

Қорақалпоғистон Республикаси ва Хоразм вилоятида ёғингарчилик кутилмайди. Баъзи жойларга туман тушиши мумкин. Ҳарорат кечаси 0-5 даража совуқ, кундузи 0-5 илиқ бўлади.

 

Бухоро ва Навоий вилоятларида бироз ёмғир ёғиши мумкин. Туман тушиши мумкин. Баъзи жойларда шамол 18-23 м/с гача кучайиши мумкин. Ҳарорат кечаси 2-7 даража, кундузи 11-16 даража илиқ бўлади. Навоий вилояти чўл ҳудудларининг шимолида кечаси 0-5 даража совуқ, кундузи 0-5 даража илиқ бўлади.

 

Тошкент, Самарқанд, Жиззах ва Сирдарё вилоятларида бироз ёмғир ёғиши ва туман тушиши мумкин. Ҳарорат кечаси 2-7 даража, кундузи 11-16 даража илиқ бўлади.

 

Қашқадарё ва Сурхондарё вилоятларининг баъзи жойларида бироз ёмғир ёғиши ва туман тушиши мумкин. Ҳарорат кечаси 2-7 даража, кундузи 12-17 даража илиқ бўлади.

 

Андижон, Наманган ва Фарғона вилоятларида ёғингарчилик кутилмайди. Баъзи жойларга туман тушиши мумкин. Ҳарорат кечаси 0-5 даража совуқ, кундузи 5-10 даража илиқ бўлади.

 

Республиканинг тоғли ҳудудларида ҳаво ўзгариб туради, баъзи жойларда ёғингарчилик (ёмғир, қор) бўлади, туман тушиши мумкин. Ҳарорат кечаси 3 даража совуқ, 2 даража илиқ, кундузи эса 2-7 даража илиқ бўлиши кутилмоқда.

 

Жавоҳирбек Турсунов