"Омикрон" штаммининг асосий 8 та белгиси маълум қилинди
Янги штаммнинг белгилари танада инфекциядан кейинги иккинчи кундан бошланади ва тахминан беш кун давом этади.
Экспертлар коронавируснинг "омикрон" штаммининг дастлабки босқичларида пайдо бўладиган ва шамоллаш ёки гриппга ўхшаш саккизта аломатларини номлади.
Янги штаммнинг белгилари танада инфекциядан кейинги иккинчи кундан бошланади ва тахминан беш кун давом этади. Жанубий Aфрика, Буюк Британия ва Қўшма Штатлар шифокорлари қуйидаги аломатларни номлашди:
— томоқ оғриғи
— белнинг пастки қисми оғриғи
— бурун оқиши
— бош оғриғи
— чарчоқ
— аксирмоқ
— тунги терлаш
— танадаги оғриқлар.
Таъкидланишича, аломатлар анъанавий CОВИД-19 белгиларига қараганда камроқ аниқланади, чунки улар шамоллаш ёки гриппга жуда ўхшайди.
Шунга қарамай, мутахассислар уларни эътиборсиз қолдирмаслик ва вақтида шифокор билан маслаҳатлашишни маслаҳат беришди.
Аввалроқ Япония “омикрон” штамми туфайли хорижликлар учун ёпилгани ҳамда пандемия яна қанча давом этиши ҳақида хабар берилганди.
Муножат Валиева
