Мурод Хонтўраев фожиасида унинг ўзи айбдор деб топилди
Жиноят иши эса тугатилди.
Тошкент вилояти Ички ишлар бош бошқармасининг маълум қилишича, Мурод Хонтўраев ЙТҲ оқибатида вафот этганлиги, у билан бирга бўлган ёки ЙТҲнинг бошқа иштирокчиларига ўртача, ўғир жароҳат етмагани ҳамда ўлим ҳолати кузатилмагани сабабли айблилик масаласи бўйича Мурод Хонтўраев томонидан Йўл ҳаракати қоидаларининг 3-, 4-, 73-, 77- ҳамда 79-бандлари бузилганлиги инобатга олиниб, ҳайдовчи Хонтўраев мазкур ЙТҲнинг содир этилишига сабаб бўлиб, ўзи вафот этгани туфайли ва ишда жиноят таркибий элементлари мавжуд бўлмагани инобатга олиниб, олиб борилган дастлабки тергов якунига кўра, қўзғатилган жиноят иши 2021 йилнинг 30 сентябрь куни Жиноят процессуал кодексининг 83-моддаси 2-бандига асосан ҳаракатдан тугатилган.
Маълумот учун: “Осиё айиғи” номи билан танилган ММА жангчиси, Ўзбекистон ММА ассосиасияси вице-президенти Мурод Хонтўраев иштирокидаги ЙТҲ 2021 йилнинг 19 июль куни Тошкент вилояти Бўстонлиқ туманида содир бўлганди. Бир йўналишда ҳаракатланиб кетаётган "Lacetti" ҳамда “BMW Х5” русумли автомобиллар иштирокидаги тўқнашувда “BMW Х5” йўлдан чиқиб кетиб, ағдарилган.
Ҳодиса оқибатда “BMW Х5” ҳайдовчиси, 1987 йилда туғилган Мурод Хонтўраев воқеа жойида вафот этган.
