Тошкент вилоятида замонавий киношаҳар ташкил этилади
Лойиҳани амалга ошириш учун 50 гектар ер майдони ажратилади.
2022 йилда Тошкент вилоятининг Бўстонлиқ туманида киношаҳар ташкил этилади. Бу ҳақда Янги Ўзбекистоннинг 2022–2026 йилларга мўлжалланган тараққиёт стратегиясида маълум қилинган.
Маълум қилинишича, хорижий кинокомпаниялар ва киностудияларни мамлакатга жалб этиш мақсадида ер майдони 50 гектардан кам бўлмаган замонавий киношаҳар ташкил этиш режалаштирилмоқда.
2022 йилнинг сентябрига қадар киношаҳарларни ташкил қилиш ва фаолиятини йўлга қўйиш бўйича хорижий мутахассислар ва ташкилотларни жалб қилган ҳолда жаҳон тажрибасини ўрганиш ва натижалари бўйича киношаҳар концепцияси ишлаб чиқилади.
Жавоҳирбек Турсунов
