Нукусда дарахтлар нега кесилди?
Мазкур хабар юзасидан Zamon.uz сайти Қорақалпоғистон Республикаси Экология қўмитаси матбуот котиби Улбосын Мирзаназарова билан боғланди.
Куни кеча ижтимоий тармоқларда Нукус — Тахтакўпир айланма йўли ёқасидаги 300 дан зиёд дарахт каллаклаб ташлангани ҳақида видеохабар тарқалди.
Матбуот котиби Улбосын Мирзаназарованинг айтишича Нукус шаҳар инспекцияси ва “Қорақалпоқ йўлкўкалам” унитар корхонаси мутахассислари томонидан жойига чиқиб ўрганилган .
Олиб борилган ўрганиш ишлари натижасига кўра, “Қорақалпоқ йўлкўкалам” унитар корхонаси мутахассислари (арборист) томонидан 4Р-176 “Нукус — Чимбой — Тахтакўпир” йўли 14 километридаги дарахтларга 2021 йил октябрь ойи охирларида “Яшил макон” умуммиллий лойиҳаси асосида белгиланган режасига кўра ушбу “Таслақ” МФЙ ҳудудини ободонлаштириш ва дарахтларга (қайроғоч) шакл бериш ишлари олиб борилган.
Шунингдек, Ўзбекистон Республакаси Фанлар Академияси Қорақалпоғистон бўлими Қорақалпоқ табиий фанлар илмий-тадқиқот институти мутахассислари томонидан дарахтларга шакл бериш ишлари тўғри олиб борилганлиги тўғрисида хулоса берилган.
Муножат Валиева
