Австралия АҚШ билан янги ҳарбий шартнома имзолади
Унинг миқдори бир неча миллиард долларни ташкил этади
Австралия АҚШ билан 2.5 миллиард долларлик ҳарбийц техника сотиб олиш тўғрисида шартнома имзоланди. Бу ҳақда “ТАСС” хабар берди.
Маълумотларга кўра, Канберра Қўшма Штатлардан Abrams танклари ва бошқа техникалар сотиб олади. Танклар сони 75 та ва улар 2025 йилгача харид қилинади. Австралия мудофаа вазири Питер Даттонга кўра, у 59 та М1А1 Abrams танкларини алмаштиришга имкон беради.
Бундан ташқари, 29 та миналарга қарши М1150 зирҳли машиналари, 18 та кўприк қурувчи ва олтита зирҳли эвакуация машиналари сотиб олинади.
АҚШ ва Австралия ўртасида сўнгги ойларда ҳарбий ҳамкорлик тобора кенгаймоқда. Хусусан 2021 йил 15 сентябрь куни бу икки давлат ва Буюк Британия ўртасида AUUKUS альянси тузилгани эълон қилинди.
Аввалроқ Япония ва Австралия ўртасида янги ҳарбий келишув имзоланиши тўғрисида хабар берилганди.
Жаҳонгир Қўзиев
