Қишки таътил узайтирилгани ўқитувчиларнинг маошига таъсир қиладими?
Саволларга вазирлик мутахассислари жавоб беради.
Халқ таълими вазирлиги томонидан қишки таътил кунлари узайтирилгани ҳақидаги хабардан сўнг ўқитувчи ва ота-оналардан кўплаб саволлар йўлланди, дея хабар беради Халқ таълими вазирлиги ахборот хизмати.
САВОЛ: Қишки таътил кунларини 24 январга қадар узайтирилгани ўқитувчиларнинг ойлик маошига таъсир қилмайдими?
-Умумтаълим муассасалари ўқувчилари учун бериладиган қўшимча таътил кунлари давомида халқ таълими тизимида фаолият юритаётган педагог ва бошқа ходимларга амалдаги иш ҳақи тўловлари сақланган ҳолда тўлаб борилади, яъни ойлик маошга таъсир қилмайди.
Аввалроқ мактабларда ҳам қишки таътил муддати узайтирилгани ҳамда коронавируснинг янги штамми пайдо бўлгани ҳақида хабар берилганди.
Муножат Валиева
