Мактабгача таълим муассасаларида ҳам карантин чоралари кучайтирилди
Энди муассасада байрам тадбирлари ва йиғилишлар ўтказилмайди.
Юртимизга Коронавируснинг “Омиcрон” штамми кириб келиши муносабати билан Мактабгача таълим вазирлиги қуйидагиларни маълум қилган:
– Давлат мактабгача таълим ташкилотларида «COVID-19 пандемияси даврида мактабгача таълим ташкилотларининг иш фаолиятига қўйиладиган вақтинчалик санитария-гигиеник талаблар»га қатъий риоя этилади;
– давлат мактабгача таълим ташкилотларида байрам тадбирлари ўтказилиши вақтинчалик чекланади;
– ота-оналар ва ташқаридан меҳмонлар киришига йўл қўйилмайди (зарур вазиятларда сўнгги уч кунлик ПЦР тести ва эмланганлиги ҳақида сертификати бўлиши лозим);
– йиғилишлар ўтказилиши чекланади, зарур ҳолларда йиғилишларни видеоконференсалоқа режимида ўтказиш чоралари кўрилади;
– мазкур чекловнинг бузилишига йўл қўйилган тақдирда тегишли тартибда жавобгарлик чоралари (ҳайфсан, жарима ва б.қ.) қўлланилади.
