Қуйичирчиқда ўта хавфли рецидивист қўлга олинди
У 2021 йил ноябрь ойидан буён қидирувда эканлиги аниқланди.
Қуйичирчиқ туманида хизмат олиб бораётган ЙПХ инспекторлари томонидан "Nexia-2" русумли транспорт воситасини бошқариб кетаётган ҳайдовчи тўхтатилди. Текширув вақтида автомобилга тегишли бўлган ҳужжатлар йўқлиги ва автоулов бошқа фуқарога тегишли эканлиги инспекторда шубҳа уйғотди.
Маъмурий баённома расмийлаштириш жараёнида ҳайдовчига тегишли маълумот планшет орқали базага киритилганда, фуқаро Б.А. қидирувдаги шахс экани аниқланди. Фуқаро ўша ернинг ўзида ИИО топширилди.
Олиб борилган суриштирув ишлари натижасига кўра, ҳайдовчи 1982 йилда туғилган Б.А. Жиноят кодексининг 168 моддаси 2-қисми "а" банди (фирибгарлик кўп миқдорда) ва 3-қисми "б" банди (фирибгарлик ўта хавфли рецидивист томонидан содир этилганлиги) билан айбланиб, Зангиота тумани ИИБ томонидан ноябрь ойидан буён қидирувда эканлиги маълум бўлган.
Муножат Валиева
