Мингдан ортиқ ходим вакцина олмагани учун ишдан четлатилди
Шунингдек, 200 нафар ишчига жарима қўлланган.
17 январь куни ишчи гуруҳлар томонидан текширувлар ўтказилиб, тадбиркорлик субъектларининг 359 нафар, бюджет ташкилотларининг 885 нафар ходими вакцина олмагани аниқланган.
Шундан сўнг эмланмаган жами 1044 нафар ходим вақтинчалик ишдан четлатилган, 200 нафарига жарималар қўлланилган. Шунингдек, 1 та объектнинг иш фаолияти тўхтатилган.
Бундан ташқари, Миллий гвардия томонидан Тошкент шаҳрида фаолият юритаётган 65 та бозор, 31 та истироҳат боғи ва хиёбонлар, 46 та оммавий тадбирлар ўтказиладиган объектлар, 22 та стадион ва спорт мажмуалари, 6 та йирик савдо маркази ва 131 та жомеъ масжидида фуқароларга карантин қоидаларига риоя қилиш юзасидан тарғибот-ташвиқот ишлари амалга оширилган.
