Коинотда киностудия ва спорт аренаси қурилади
Лойиҳани 2024 йилда ишга тушириш режалаштирилмоқда.
"Space Entertainment Enterprise" компанияси космосда спорт аренаси ва киностудия қуриш режасини эълон қилди.
"SEE-1 - бу инсоният учун бошқа воқеликка ўтиш ва коинотда ҳаяжонли янги саҳифани бошлаш учун ажойиб имкониятдир", - дейилади компания баёнотида.
Қайд этилишича, студия 2024 йил қиш ойининг бошигача ишга тушиши керак.
Объект "SEE-1" модули деб номланади. Унинг асосий мақсади филмлар, теледастурлар, мусиқа ва спорт тадбирларини суратга олишдир. Лойиҳага кўра, станциядан жонли эфирлар олиб бориш ҳам мумкин бўлади. Қурилиш ишлари Axiom Space компанияси томонидан амалга оширилади. Яқинда у ХKSнинг тижорат қисмини қуриш учун NASA рухсатини олди.
2 триллион долларлик глобал кўнгилочар индустрияни Ернинг паст орбитасига олиб чиқиш учун нафақат биринчи, балки энг юқори сифатли космик тузилма тақим этилади.
Эслатиб ўтамиз, аввалроқ NASA коинотдаги янги миссиялар учун космонавтлар етарли эмаслигини маълум қилганди.
