Расман: Таълим муассасалари бир ойлик онлайн таълимга ўтказилди
Бунга “Omicron” штаммининг болалар ва ёшлар ўртасида тез тарқалиши сабаб бўлган.
Коронавирус инфекциясининг янги штамми болалар ва ёшлар ўртасида тарқалиш хавфини олдини олиш ҳамда Соғлиқни сақлаш вазирлиги ҳамда Санитария-эпидемиологик осойишталик ва жамоат саломатлиги хизматининг таклифларидан келиб чиқиб 24 январдан бошлаб барча мактабларда, олий ва профессионал таълим муассасаларида, шунингдек, академик лицейларда таълим жараёни бир ой муддатга “онлайн” шаклга ўтказилди.
Талабалар учун темирйўл ва авиачипталарга берилган 50 фоиз миқдорида чегирма сақлаб қолинади ва 2022 йил 24 февралга қадар бепул тарзда бошқа муддатга алмаштириб берилади.
Мактаб ўқувчиларнинг сифатли таълим олиши учун Миллий телерадиокомпаниянинг телеканаллари ҳамда "Онлайн мактаб" телеграм канали орқали масофавий дарслар олиб борилади. "Онлайн мактаб" лойиҳаси доирасида бериладиган дарслар жадвали кунлик равишда "Онлайн мактаб" телеграм канали орқали эълон қилинади.
