2 февраль куни Тошкентнинг учта туманида газ бўлмайди
“Ҳудудгаз Пойтахт” етказилаётган ноқулайлик учун истеъмолчилардан узр сўради.
Таъмирлаш ишлари олиб борилаётгани сабабли Тошкент шаҳрининг учта тумани – Учтепа, Янгиҳаёт ва Сергелининг айрим ҳудудларида табиий газ таъминоти вақтинча тўхтатилади.
Учтепанинг “Алгоритм” мавзесидаги 50 та аҳоли хонадонларида ва 1 та улгуржи истеъмолчисида соат 11.00 дан 16.00 гача газ таъминоти узилади.
Янгиҳаётнинг Узар кўчасидаги 45 та кўп қаватли уйда ва 4 та улгуржи истеъмолчида соат 11.00 дан 17.00 гача табиий газ таъминоти вақтинча тўхтатилади.
Сергели туманининг “Дарё бўйи” маҳалласидаги 1199 та хонадонда ҳамда 115 та улгуржи истеъмолчиларда соат 11.00 дан 17.00 гача газ таъминоти вақтинча бўлмайди.
“Ҳудудгаз Пойтахт” ГТФ нинг маълум қилишича, шу куни юқоридаги ҳудудларда газ қувурларини улаш ва газ сизиб чиқиш ҳолатларини бартараф этиш ишлари олиб борилади.
