Жефф Безоснинг яхтаси туфайли қадимий кўприклардан бири бузилади
Бунга шаҳар мэрияси ҳам қарши эмас.
Дунёнинг энг бой одамларидар бири Жефф Безос Нидерландия компанияларининг биридан ўзи учун суперяхта буюртма қилди.
Кема қурилишига рекорд — 485 миллион доллар сарфланди. Аммо у очиқ океанга чиқа олмайди. Бунинг учун яхтани Роттердамдаги каналлардан олиб ўтиш керак. Миллиардернинг буюртмаси деярли тайёр бўлай деб қолганда яхта кўприклардан бирининг остидан ўта олмаслиги аниқ бўлди.
Конингсхафен кўприги 1878 йилда қурилган. Иккинчи жаҳон уруши даврида у бомбардирдан зарар кўрган, аммо кейинчалик тамирланган эди. Безоснинг яхтаси кўприк остидан ўтиши учун унинг марказий қисми олиб қўйилади. Яхта қурилишини бошқа жойда тугатиш қимматга тушиши инобатга олинса, бу ягона оптимал ечим.
Кўприкнинг бузиб, қайта қурилиши Роттердам муниципаллигига катта зарар олиб келади. Аммо ҳукумат шунга ҳам рози. Чунки, биринчидан, Безос мэрияга зарарнинг катта қисмини қоплашни ваъда қилди. Иккинчидан, Роттердам Европанинг энг яхши яхталар ясаладиган кўприклар пойтахти деган номни сақлаб қолиш учун ҳамма нарсага тайёр. Миллиардернинг янги яхтаси эса маҳаллий усталарга яхши реклама бўлиб хизмат қилади.
Маълумот учун, Amazon асосчиси Жефф Безос дунёнинг энг бой одамлари рўйхатига киради.
Шарофат Маҳмудова
