32 метр чуқурликдаги қудуққа тушиб кетган бола 3 кун ўтгач қутқарилди
5 ёшли болани қутқариш операцияси телевизор орқали жонли эфирда намойиш этилган.
Марокашда қарийб уч кун чуқур қудуқда қолиб кетган ёш болани қутқарувчилар томонида ўрадан олиб чиқилди, деб хабар беради Ал Жазера.
Бу драма интернетда ҳамдардлик уйғотди, арабча #СавеРаян хештеги Шимолий Африка бўйлаб, шу жумладан қўшни Жазоирда ҳам тарқалди.
Тез орада воқеа жойига махсус гуруҳ етиб келди. Қутқарув операциясини жонли эфир орқали юз минглаб одамлар ҳавотир билан кузатишган.
Маълум қилинишича, 32 метр чуқурликдаги қудуққа тушиб кетган беш ёшли Раян уч кун давомида ўша ерда қолган. Уни олиб чиқиш учун гуруҳ тор тешик ёнидан горизонталь равишда бошқа каттасини кавлашига тўғри келди.
Воқеа жойига тиббий гуруҳ жўнатилган ва бола қутқариб олингандан сўнг дастлабки текширувлар ва потенциал реанимация чоралари кўрилган.
Аввалроқ Усмонийлар империясига тегишли тўп ичида суратга тушмоқчи бўлган эркак унга тиқилиб қолгани ва кейинчалик қутқарилгани хабар қилинганди.
Насиба Тўхтаева
