Покистоннинг иккита ҳарбий лагерига террорчилар ҳужум қилди
Қарама-қарши ҳужумларда жами 20 киши ҳалок бўлган.
Покистоннинг жануби-ғарбидаги Балужистон вилоятида Покистон чегара корпусининг ҳарбийлаштирилган тузилмасининг иккита лагерига қилинган ҳужумлар натижасида 13 нафар террорчи йўқ қилинди ва 7 нафар аскар ҳалок бўлди. Бундан ташқари яна тўрт киши жароҳатланган. Бу ҳақда Синхуа агентлиги хабар берди.
Қайд этилишича, хавфсизлик кучлари вилоятнинг Панжгур ва Нушки туманларида содир этилган ҳар икки ҳужумни қайтарган.
Ҳужумлар қайтарилгач, хавфсизлик кучлари бу ҳудудларда яширинган террористларни тозалаш ва қўлга олиш учун амалиёт ўтказди.Ҳозирда ушбу туманда хавфсизлик кучларининг операцияси давом этмоқда.
Эслатиб ўтамиз, аввалроқ Покистон “Толибон” ҳокмиятини тан олишга шошилмайди. Бу ҳақда Покистон ТИВ раҳбари Шоҳ Маҳмуд Қурайший маълум қилганди.
Насиба Тўхтаева
