Байден маслаҳатчиларидан бири истеъфога чиқди
У ходимларига тазйиқ ўтказиб келгани аниқланган.
Жозеф Байденнинг фан масалалари бўйича катта маслаҳатчиси Эрик Лэндер қўл остидагиларга босим ўтказгани учун лаозимидан бўшатилди. Бу ҳақда Politico хабар берди.
“Мен истеъфога чиқаман. Собиқ ва ҳозирги ҳамкасбларимга азоб берганимдан ва улар билан қилган муомаламдан чуқур афсусдаман”, – деган у президент номига ёзилган мактубида.
Нашр маълумотларига кўра, Оқ уйнинг икки ойлик ички суриштирувлари Лэндер доимий равишда қўл остидагиларга тазйиқ ўтказгани ва камситиб келгани аниқланган. У раҳбарлик қиладиган АҚШ фан ва технологиялар соҳасидаги сиёсат бошқармасининг 14 ходими “зарарли иш муҳити” яратилганини маълум қилган.
Эслатиб ўтамиз, аввалроқ АҚШ Бразилия президентига босим ўтказгани ҳақида хабар қилинганди.
Жаҳонгир Қўзиев
