Водий газ таъминотида узилишлар бўлиши ҳақидаги хабарлар рад этилди
Энергетика вазирлигига кўра, таъмирлаш ишлари олдидан истеъмолчилар огоҳлантирилади.
Ижтимоий тармоқларда Фарғона водийсида таъмирлаш ишлари олиб борилиши сабабли табиий газ таъминотида узилишлар бўлиши ҳақида хабарлар тарқалди. Бу бўйича Энергетика вазирлиги муносабат билдириб, тарқалган маълумотлар асоссиз эканини маълум қилди.
Баёнотда айтилишича, ҳозирда Наманган, Фарғона ва Андижон вилоятларига табиий газ етказиб берувчи газ қувурларида ёки бошқа объектларда таъмирлаш ишлари режалаштирилмаган.
“Таъмирлаш ишлари амалга оширилишидан аввал истеъмолчилар олдиндан қўшимча хабардор қилинади”, – дейилади расмий баёнотда
