Президент Самарқандда 10 нафар мансабдорни ишдан бўшатди
Уларнинг айримларига жиноий иш очилиши мумкин.
Айни пайтда Самарқанд халқаро аэропортининг янги терминалида Президент Шавкат Мирзиёев иштирокида вилоят фаоллари йиғилиши бўлиб ўтмоқда.
Ўта танқидий руҳда ўтаётган йиғилишда давлатимиз раҳбари вилоятдаги секторлар ва тегишли мутасаддилар жуда суст ишлаётганини кўрсатиб ўтди.
Фаолиятида жиддий хато ва камчиликларга йўл қўйган қуйидаги мансабдорлар ўз вазифасидан озод этилди:
– Самарқанд тумани ҳокими;
– Нуробод тумани ҳокими;
– Оқдарё тумани прокурори;
– Самарқанд шаҳри, Самарқанд ва Оқдарё туманлари ИИБ бошлиқлари;
– Ургут ва Паяриқ туманлари давлат солиқ инспекциялари раҳбарлари;
– Вилоят электр тармоқлари корхонаси раҳбари.
Уларнинг баъзиларига нисбатан тўпланган, шу жумладан коррупсия ҳолатлари тўғрисидаги маълумотлар асосида жиноий иш очиш масаласи ўрганиб чиқилади.
