Германия президент сайловига тайёрланмоқда
Ушбу лавозимга астрофизик, иқдисодчи ва шифокор номзоди таклиф қилинмоқда.
Германия Федерал ассамблеяси мамлакатнинг янги президентини сайлаш учун йиғилади, ушбу лавозимини ҳозирда собиқ ташқи ишлар вазири Франк-Валтер Штайнмаер эгаллаб турибди.
Қайд этилишича, йиғилишда собиқ канцлер Ангела Меркел иштирок этиши кутилмоқда. Агар у келса, бу унинг канцлерлик муддати тугаганидан кейин биринчи оммавий тадбири бўлади.
Федерал штатлар, шунингдек, бошқа машҳур шахсларни Федерал Мажлисга юбордилар. Улар орасида космонавт Александр Герст, вирусолог Кристиан Дростен, миллий терма жамоа футболчилари, хонанда ва актрисалар бўлиши кутилмоқда.
Штайнмаердан ташқари яна учта номзод бор. Майнтслик шифокор Герхард Траберт "Чап" томонидан, Германия учун ўнг қанот алтернативи томонидан иқтисодчи, профессор Макс Отте таклиф қилинган. Эркин сайловчилар партияси томонидан таклиф қилинган ягона аёл номзод, астрофизик Стефани Гебауердир.
