Германияда халқаро хавфсизлик бўйича конференция очилди
Унда Россия делегацияси аъзолари йўқ.
18 февраль куни Мюнхенда хавфсизлик бўйича халқаро конференция очилди. Бу ҳақда ТАСС хабар берди.
Бу конференция тарихидаги 58 форум. Ўтган йили коронавирус чекловлари туфайли у онлайн шаклда ўтказилган эди. Бу йил эса Германияга 600 га яқин делегатлар ташриф буюради.
Россия 1999 йилдан буён илк марта Мюнхен конференцияда иштирок этмайди. Аввалроқ РФ тив расмий вакили Мария Захарова Москва вакиллари турли сабабларга кўра, унда иштирок эта олмаслигини маълум қилганди.
Мюнхен конференцияси раҳбари Вольфганг Ишингернинг сўзларига кўра, Россиянинг кўплаб сиёсатчилари эмлаш билан боғлиқ қийинчиликлар ва ҳар кунги ПЦР-тест топшириш тартиби туфайли тадбирда иштирок этишдан бош тортган.
Эслатиб ўтамиз, аввалроқ Польша Россия билан чегарада девор қуриши тўғрисида хабар қилинганди.
Жаҳонгир Қўзиев
