Абдулазиз Комилов Саудия Арабистони ташқи ишлар вазирига табрик йўллади
Бугун Ўзбекистон билан Саудия Арабистони Подшоҳлиги ўртасида дипломатик муносабатлар ўрнатилганига 30 йил тўлди.
Абдулазиз Камиловнинг ҳамкасби Файсал бин Фархон Ол Саудга йўллаган табрик мактубида Ўзбекистон – Саудия Арабистони муносабатлари сўнгги йилларда ижобий суръат касб этиб, амалий мазмунга эга бўлаётгани қайд этилган. Ўзаро алоқа ва алмашинувларнинг изчил давом эттирилиши натижасида ҳамкорлик сифат жиҳатидан янги босқичга кўтарилгани таъкидланган.
Шунингдек, мактубда Ўзбекистон томони Саудия Арабистони билан барча соҳаларда ўзаро манфаатли конструктив ҳамкорликни давом эттиришга тайёрлиги билдирилган.
