Тошкентда айиқ қафасига ташланган қизча шифохонадан чиқди
ССВ маълумотига кўра, унинг тиббий кўриклари ижобий натижа кўрсатган.
Жорий йилнинг 28 январь куни Тошкент ҳайвонот боғида онаси томонидан айиқ қафасига ташланган қизалоқ бугун шифохонадан уйига қайтди. Бу ҳақда ССВ маълум қилди.
Хабарга кўра, бугун қизалоқнинг барча тиббий кўриклари ижобий натижа кўрсатган. Шунингдек, унинг руҳий ҳолати меъёрида экани инобатга олиниб, яқинлари ҳамроҳлигида уйига рухсат берилган. Қизалоқ ҳозирча бувисининг қарамоғида бўлади.
“Соғлиқни сақлаш вазирлиги томонидан жажжи бемор З. А.нинг 18 ёшга тўлгунига қадар саломатлигини доимий назорат қилиш учун Болалар миллий тиббиёт маркази ва унинг директори, тиббиёт фанлари доктори Алишер Шарипов шахсан масъул этиб белгиланган” – дейилади хабарда.
