Эрдoған Россияни Донецк ва Луганскни мустақил республика сифатида тан олганини қоралади
Шунингдек, Туркия раҳбари Мюнхен конференциясини самарасиз деб атади.
Туркия президенти Раджаб Тоййиб Эрдоған Россия расмийлари томонидан Донецк ва Луганскни мустақил республика сифатида тан олинишини қабул қилиб бўлмас деб атади. Уларнинг тан олиниши сиёсий бирлик, суверенитет ва ҳудудийликнинг очиқ бузилиши эканлигини таъкидлади.
Шунингдек, у Ғарб давлатларини Мюнхен хавфсизлик саммити самарасиз ўтгани учун танқид қилди.
“Туркия Россия ва Украина ўртасидаги давом этаётган кескинлик ҳақида аниқ сигналлар бериб, соғлом фикрлашга ва ҳар икки томонни халқаро ҳуқуққа риоя қилишга чақиради. Биз ушбу инқирозда кескинликни пасайтиришга чин дилдан ҳаракат қилдик ва муаммонинг ечими бўйича ўз хабарларимизни йўлладик", деди Туркия раҳбари.
