Ҳафта ўрталарида республикада кучли ёмғир ёғиши кутилмоқда
Шунингдек, айрим вилоятларда сел келиш хавфи эълон қилинди.
Ўзгидромет хабарига кўра, 23–25 февраль кунлари кутилаётган кучли ёмғирлар ёғиши сабабли, республиканинг қуйидаги ҳудудларида сел келиш хавфи мавжуд:
– Қашқадарё вилояти: Яккабог, Деҳқонобод, Чироқчи, Китоб, Шаҳрисабз, Қамаши, Ғузар, Косон, туманларида;
– Жиззах вилояти: Зомин, Бахмал, Ғаллорол, Шароф Рашидов, Фориш, Янгиобод, Зафарабод туманларида;
– Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқорғон туманларида;
– Самарқанд вилояти: Ургут, Самарқанд, Булунғур, Нуробод, Қўшработ, Каттагўрғон туманларида.
“Тоғолди ва тоғли ҳудудларда истиқомат қилувчи фуқароларни, дам олувчиларни ҳамда тоғли ҳудудларда ҳаракатланувчи ҳайдовчиларни эҳтиёткорлик чораларини кўришларини сўраймиз”– дейилади хабарда.
