Кўплаб йирик авикомпаниялар Украинага парвозларни бекор қилмоқда
“Ryanair” эса “осмонда снарядлар учмагунча” Украинага ва у ердан қайтиш парвозларни давом эттириш ниятида.
Испаниянинг “Vuyeling” лоукостер авиакомпанияси ва Франсиянинг "Air France" авиакомпаниялари Россиянинг босқинчилик хавфи туфайли Украинага бориш ва қайтиш рейсларини бекор қилган компаниялар қаторига қўшилди.
Бу ҳақда Korrespondent.net хабар қилди.
Айни пайтда Украина ва Европанинг муҳим шаҳарлари ўртасида ҳаво алоқаси таъминланган. Бундан аввал эса “Lufthansa” ҳам рейсларни вақтинча бекор қилган эди.
Германия авиаташувчиси Украинага борадиган йўловчиларни ташиш имкониятини "Star Alliance"га аъзо компаниялар (LOT, SAS, Turkish Airlines ва бошқалар) ва бошқа ҳамкорларга ўтказиш жараёнида.
“Ryanair” лоукостер авиакомпанияси эса “осмонда снарядлар учмагунча” Украинага ва у ердан қайтиш парвозларни давом эттириш ниятида.
