Зеленский Венгрия билан Германияга мурожаат қилди
У Россиянинг молия бозорларига чиқишига оид чекловлар билан боғлиқ.
Владимир Зеленский Россияни SWIFT тизимидан узиб қўйилишига муносабат билдирди. Бу ҳақда сиёсатчи ўз Telegram-каналида маълум қилган.
"РФнинг SWIFTдан узиб қўйилиши бўйича ЕИнинг тўлиқ қўллаб-қувватлашига эгамиз. Умид қиламанки, Венгрия ва Германияда ушбу қарорни қўллаб-қувватлайди", — деган Украина президенти.
Маълумот ўрнида: SWIFT — банклараро маълумот алмашиш ва пул ўтказмалари халқаро тизими. Унда кунига 30 миллиондан ортиқ маълумот алмашилади. Россиянинг ушбу тизимдан узиб қўйилиши унинг дунё молия бозори манбаларидан фойдаланишини жиддий чеклаб қўяди.
Аввалроқ РФ давлат думаси спикери Украина суверенитети сотиб юборилганини айтганди.
