Донецкда бир кунда 19 киши ҳужумлар қурбони бўлди
Шунингдек, 73 нафар тинч аҳоли яраланган, улар орасида болалар ҳам бор.
26-феврал ҳолатига кўра, Украинанинг Донецк вилоятида Россия қўшинларининг ўққа тутиши натижасида 19 нафар тинч аҳоли ҳалок бўлди. Бу ҳақда Фейсбукда вилоят ҳарбий-фуқаролик маъмурияти раҳбари Павел Кириленко маълум қилди. Шунингдек 73 киши яраланган.
Маълумотларга кўра, Волновахада – 15 киши ҳалок бўлган, 5 нафар ярадор (1 бола), Сартанда – 4 нафар ҳалок бўлган, 9 нафар ярадор (1 бола), Мариуполда – 58 нафар, Сопинода – 3 нафар, Южнийда – 1 нафар яраланган фуқаролар бор,
Бундан ташқари, Донецк вилоятида бир кунда 30 та уй вайрон бўлган.
Аввалроқ тез ёрдам машинаси ҳужумга учрагани хабар қилинган эди. Шифокорлар ундаги беморга далада ёрдам беришга мажбур бўлишди.
