Украина Россияни Халқаро судга берди
Киев суддан ноқонуний ҳужумларни тўхтатиш тўғрисида буйруқ чиқаришни талаб қилмоқда.
Украина Гаагадаги Халқаро судга Россия Федерациясига қарши даъво аризаси берди ва суднинг Россияга нисбатан вақтинчалик чоралар кўриш тўғрисидаги қарорини талаб қилди.
Украина суддан фавқулодда суд мажлисларини ўтказишни ва Россияга Украинага қарши ҳарбий ҳаракатлар ҳамда ноқонуний ҳужумларни зудлик билан тўхтатиш тўғрисида буйруқ чиқаришни талаб қилмоқда.
Суд Украина ишини кўриб чиқиш ва Геноцид жиноятининг олдини олиш ва жазолаш тўғрисидаги конвенция асосида шошилинч чоралар кўриш ваколатига эга. Геноцид конвенцияси бунга жавобан ишлаб чиқилган энг муҳим халқаро шартномалардан биридир.
Қайд этилишича, Украина халқи Россия агрессиясига дадил қаршилик кўрсатишда давом этмоқда.
"Россиянинг барча ёлғонлари фош бўлади ва Россиянинг халқаро ҳуқуқни менсимаслиги бутун дунё учун тасдиқланади. Ишончимиз комилки, Украина Россияни жавобгарликка тортади", — дейилади ТИВ баёнотида.
