Россия урушни тўхтатиши учун Украина нималар қилиши керак?
Бу бўйича Путин ўз шартларини Макронга маълум қилди.
Россия Президенти Владимир Путин Франция Президенти Эммануел Макрон билан телефон орқали мулоқот чоғида Украинадаги вазиятни ҳал қилиш учун ўз шартларини маълум қилди.
Путин Украинага қуйидаги талабларни қўйган:
–– Россиянинг аннекция қилинган Қрим устидан суверенитетини тан олиш;
–– Украина давлатини демилитаризация ва денасификация қилиш вазифаларини ҳал қилиш;
–– Украинанинг нейтрал мақомини таъминлаш.
Шунингдек, Путин суҳбатда Москва Киев вакиллари билан музокаралар учун очиқ эканини ва улар “исталган натижаларга” олиб келишига умид қилаётганини қайд этган.
Макрон эса Украина ва Россия делегациялари ўртасида музокара бошланганини айтиб, Путиндан жойларда қуйидагиларга амал қилишни сўраган:
–– тинч аҳоли ва турар-жойларга ҳужум ва зарба беришни тўхтатиш;
–– барча фуқаролик инфратузилмасини сақлаб қолиш;
–– асосий йўллар, жумладан киев жанубидаги йўллар хавфсизлигини таъминлаш.
Россия Президенти Макроннинг сўровини қабул қилган.
