Магистратурада ўқийдиган қизларнинг контракт пуллари тўлиқ бюджетдан қоплаб берилади
Бу ҳақда Президент бошчилигида бўлиб ўтган видеоселектор йиғилишида маълум қилинди.
Хабар қилинишича, янги ўқув йилидан бошлаб магистратурада ўқиётган қизларнинг контракт пуллари тўлиқ бюджетдан қоплаб берилади. Бунинг учун 23 минг нафар қизларга 200 млрд сўм маблағ ажратилади.
Шунингдек, ҳар йили 50 нафар қизлар нуфузли хорижий олийгоҳларнинг бакалавриатига ва 10 нафари магистратурага юборилади. Ҳар бир вилоятда эҳтиёжманд оила вакиллари, ота ёки онасини йўқотган 150 нафар қизларнинг (жами 2,1 минг нафар) таълим контракти маҳаллий бюджетдан тўлаб берилади.
Бундан ташқари, видеселекторда ёш фарзанди бор талаба-қизларга масофавий ўқишга шароит яратилиши ҳақида айтиб ўтилган. Докторантура йўналишида хотин-қизлар учун ҳар йили камида 300 тадан мақсадли квота ажратилиши белгиланган.
