Микрософт Россиядаги сотувларни тўхтатди
Корпорация Россия киберҳужумларидан ҳимоя қилиш учун украиналиклар билан ҳамкорликни давом эттирмоқда.
Микрософт корпорацияси Россияда янги маҳсулот ва хизматларни сотишни тўхтатди.
“Сизга шуни маълум қиламизки, биз Россияда Миcрософт маҳсулотлари ва хизматларининг барча янги савдоларини тўхтатамиз. Бундан ташқари, биз АҚШ, Европа Иттифоқи ва Буюк Британия ҳукуматлари билан яқиндан ҳамкорлик қилмоқдамиз ва ҳукуматнинг санкциялар бўйича қарорлари асосида Россиядаги бизнесимизнинг кўп жиҳатларини тўхтатмоқдамиз”, — деган компания президенти.
Вазият ривожланиб борар экан, корпорация яна қўшимча чоралар кўришини истисно этмаяпти. Бундан ташқари, корпорация Россия Федерациясидан эҳтимолий хакерлик ҳужумларидан ҳимоя қилиш учун украиналик мутахассислар билан киберхавфсизлик бўйича ҳамкорликни давом эттирмоқда.
Аввалроқ худди шундай баёнотлар SAP, Intel ва Oracle компаниялари томонидан берилган эди.
