Рус олигархларининг уйлари украиналикларга берилади
Британия украиналик қочқинларни россиялик олигархларнинг мусодара қилинган уйларига жойлайди.
Буюк Британия ҳукумати Украинадан келган қочқинларни россиялик олигархларнинг мусодара қилинган уйларига жойлаштиришни режалаштирмоқда. Бу ҳақда The Times хабар бермоқда.
Британия бош вазири ўринбосари Доминик Рааб Буюк Британия ҳукумати олигархларнинг Лондондаги уйларини мусодара қилиши ва украиналик қочқинларни жойлаштириш учун фойдаланиши мумкинлигини айтди.
Ҳукумат “тез орада” олигархларга бойликларини ҳимоя қилиш учун қиммат юридик фирмаларни ёллашни тақиқлаш бўйича таклифлар киритади, — дейилади хабарда.
Бундан ташқари, россиялик таниқли тадбиркорлар Алишер Усмонов ва Игор Шуваловнинг активлари музлатиб қўйилиши, улар Буюк Британия бўйлаб саёҳат қила олмаслиги қайд этилган.
Эслатиб ўтамиз, АҚШнинг Россияга қарши янги санкциялари рўйҳатида Путиннинҳ матбуот котиби Дмитрий Песков ҳам бор.
