3 минг америкалик Украина учун жанг қилишга тайёр
Кўнгиллилар Украинага бориб, халқаро баталон сафига қўшилиш ниятида.
Уч минг америкалик кўнгилли Украинага келиб, Россия ҳужумига қарши халқаро баталон сафига қўшилишга тайёр. Бу ҳақда Америка Овози маълум қилди.
“Украинанинг Россия кучларига қарши туришда ёрдам берадиган халқаро баталёнга қўшилиш ҳақидаги чақириғига 3 минг америкалик кўнгилли жавоб берди. Улар ўз хоҳишлари билан жанг қилушга тайёрликларини билдирди”, дейилади хабарда.
Таъкидланишича, америкалик кўнгиллилар орасида 20 йиллик тажрибага эга фахрийлар ҳам бор.
Аввал хабар берилганидек, 27 февраль куни президент Владимир Зеленский янги бўлинма – Украина ҳудудий мудофаа халқаро легиони тузилгани ҳақида маълум қилди. Унга Россия агрессиясини қайтаришда иштирок этишни хоҳловчи хорижликлардан олинади.
Кейинроқ Зеленский 16 минг хорижлик кўнгиллилардан биринчи бўлими аллақачон Украинага жўнатилганини айтди.
