Москва билан муносабатлар яхшиланмайди — Жонсон
Буюк Британия бош вазири коллектив хавфсизлик тўғрисида ўйлаш кераклигини айтган.
Ғарб Россия билан 2014 йилдан кейин бўлгани каби муносабатларини яхшиламайди. Бу ҳақда Буюк Британия бош вазири Борис Жонсон маълум қилди.
"Дунё, шубҳасиз, ўзгармоқда. Фикримча, Украинага босқиндан кейин 2014 йилдаги Қрим аннекциясидан кейин бўлгани каби статус-квога қайтиб бўлмайди, нормаллашувни кутиш мумкин эмас. Вазият ўзгарганини тан олишимиз ва коллектив хавфсизлигимиз ҳақида ўйлашимиз керак", — деган у.
Маълумот ўрнида: 24 февраль куни Россия Украинада махсус операция бошлади. Ҳозирга қадар Херсон, Бердянск каби йирик шаҳарлар эгалланган. Одесса ва Мариуполь қуршовга олинган. Харьковда оғир жанглар давом этмоқда. Москва операциядан кўзланган мақсад — Украинани қуролсизлантириш ва "денацификация" қилиш эканини айтган.
28 февраль, 3 март ва 7 март кунлари Россия ва Украина Беларусь ҳудудида музокара олиб борди.
