Россияга қарши янги санкциялар эълон қилинди
Рус олигархлари ва Путиннинг ишончли вакилларига нисбатан “босим кампанияси” кучайтирилади.
Катта еттилик (АҚШ, Канада, Франсия, Германия, Италия, Япония, Буюк Британия) давлатлари Россияга нисбатан санкциялар ва бошқа босимлар ҳақида қўшма баёнот билан чиқишди. Тегишли баёнот Оқ уй сайтида эълон қилинди.
Хусусан, G7 мамлакатлари Россия Федерациясидан энергия ресурсларига қарамликни камайтиришга ҳаракат қилади. Шунингдек, Россия савдода қулай давлат мақомидан ва ЖСТда иштирок этиш имтиёзларидан маҳрум бўлади.
Баёнотда, шунингдек, Россия элитаси, олигархлари, президент Путиннинг ишончли вакилларига нисбатан “босим кампанияси” давом этиши айтилган.
Россиядан асосий товарлар ва технологияларнинг экспорт-импортига чекловлар жорий этишда давом этади.
Шунингдек, урушни қўллаб-қувватловчи ташкилотлар янги қарз ва капитал инвестицияларига кириш имконига эга бўлмайди.
