Тошкентда фуқаролар ўртасида жанжал содир бўлди
Маълум қилинишича, кийим масаласидаги келишмовчилик катта можарога айланган.
Кеча, 12-март куни Тошкент шаҳрининг “Абдулла Қодирий” метро бекати олдида фуқаролар ўртасидаги жанжал акс этган видео тарқалди. Ҳолат юзасидан Тошкент шаҳар ИИББ расмий муносабат билдирди.
Маълум қилинишича, жанжалга метро олдида жойлашган дўкон сотувчиларининг кийим масаласида гап талашиб қолишгани сабаб бўлган. Улар ўртасидаги келишмовчиликка дастаб томонларнинг онаси ва синглиси қўшилиб, можаро катта жанжалга айланиб кетган. Шундан сўнг воқеа жойида бўлган яна икки нафар фуқао уларни ажратишга ҳаракат қилган.
Жанжал оқибатида сотувчилардан бири енгил тан жароҳати олган.
Ҳозирда мазкур ҳолат юзасидан терговга қадар текширув ўтказилмоқда.
