Россиядан АҚШга жавоб санкциялари эълон қилинди

 

Россия Ташқи ишлар вазирлиги АҚШга қарши жавоб санкцияларини эълон қилди, у қатор расмийлар, жумладан, президент Жо Байденга ҳам тегишли.

 

“Россия Федерациясининг юқори мансабдор шахслари учун бошқа нарсалар қатори АҚШга киришни тақиқловчи бир қатор мисли кўрилмаган санкцияларга жавобан Президент Ж. Байден, Давлат котиби Э. Блинкен, Мудофаа вазири Л. Остин ва штаб бошлиқлари бирлашган қўмитаси раиси М.Милли, шунингдек, қатор бўлим бошлиқлари ва Американинг таниқли арбоблари рўйҳатга киритилган”, - дейилади хабарда.

 

Шу билан бирга, Россия ТИВ АҚШ билан расмий муносабатларни давом эттиришдан бош тортмасликларини ҳам маълум қилди. Шунингдек, Россия Федерациясининг санкциялар рўйхатига киритилганлар орасида қуйдаги шахслар ҳам бор:

 

Жейкоб Салливан —  АҚШ президентининг миллий хавфсизлик бўйича ёрдамчиси;

Уилям Бернс —  Марказий разведка бошқармаси директори;

Женнифер Псаки — Оқ уй матбуот котиби;

Дулееп Сингх — АҚШ президентининг миллий хавфсизлик бўйича ёрдамчиси ўринбосари;

Саманта Пауер —  Халқаро тараққиёт агентлиги директори;

Хантер Байден — АҚШ президентининг ўғли;

Ҳиллари Клинтон — АҚШ президентлигига собиқ номзод;

Адеwаил Адеемо  — Молия вазирининг биринчи ўринбосари.

 

Шунингдек, Россия Ташқи ишлар вазирлиги “русофобик ёки Россияга нисбатан нафрат уйғотиш ва чекловчи чораларни қўллашга ҳисса қўшадиган” АҚШнинг юқори лавозимли амалдорлари, ҳарбийлари, қонун чиқарувчилари, ишбилармонлари, экспертлари ва оммавий ахборот воситалари ходимларининг санкциялар рўйхатини кенгайтиришга ваъда берди.