АҚШ Россия депутатларини ҳам қора рўйхатга киритмоқчи
Жозеф Байден бу ҳақда пайшанба куни Европада эълон қилмоқчи.
АҚШ Россия давлат думаси депутатларига қарши янги санкциялар жорий этмоқчи. Бу ҳақда The Wall Street Journal хабар берди.
Унга кўра, Оқ уйнинг янги санкциялари рўйхатига 328 депутат кириши мумкин. Бу ҳақда пайшанба куни, Байденнинг Европадаги ташрифи пайтида эълон қилиниши кутилмоқда.
Ҳозирга қадар Вашингтон Россиянинг бир қатор олий мартабали амалдорларига қарши чекловлар жорий этган. Улар орасида Владимир Путин, ташқи ишлар вазири Сергей Лавров ва мудофаа вазири Сергей Шойгулар бор.
Эслатиб ўтамиз, аввалроқ Буюк Британия ташқи ишлар вазири Россияга қарши жорий этилган санкциялар ҳали-бери бекор қилинмаслигини маълум қилганди.
