Тошкентдаги 8 та кўча автомобиллар ҳаракати учун ёпилмоқда
Бу ҳақда шаҳар ИИББ хабар берди.
Вазирлар Маҳкамасининг 01-07/1-341-сонли йиғилиш баёнига асосан, Тошкент шахрида “Тошкент халқаро марафон тадбири” ўтказилиши муносабати билан айрим кўчаларда автомобилллар ҳаракати вақтинча чекланмоқда.
Олмазор кўчасининг Бешёғоч кўчасидан И. Каримов кўчасигача бўлган ҳудуд 25-март куни соат 16.00 дан 27-март куни соат 18.00 гача вақтинча ёпилади.
Шунингдек, қуйидаги кўчаларда 27 март куни соат 05:00 дан 18:00 гача автомобиллар ҳаракати тўхтатилади:
– И.Каримов кўчаси: Олмазор кўчасидан Ш.Рашидов кўчасигача;
– Ш.Рашидов кўчаси: И.Каримов кўчасидан Афросиёб кўчасигача;
– Шахрисабз кўчаси: А.Темур кўчасидан Ойбек кўчасигача;
– Афросиёб кўчаси: Шахрисабз кўчасидан Беш ёғоч кўчасигача;
– Ойбек кўчаси: Нукус кўчасидан Шахрисабз кўчасигача;
– Нукус кўчаси: Истиқлол кўчасидан Ойбек кўчасигача;
– А.Қодирий кўчаси: Абай кўчасидан Истиқлол кўчасигача.
“Пойтахтимиз аҳолиси ва мехмонларидан ушбу вақт оралиғида юзага келган ноқулайлик учун узр сўраймиз”, дейилади расмий хабарда.
