Абрамович Украина билан музокараларда иштирок этгани очиқланди
Аввалроқ Зеленский Байдендан миллиардерга санкция жорий этмасликни сўраганди.
Миллиардер Роман Абрамович Россия-Украина музокаралари ташкиллаштирилишида иштирок этган.
Бу ҳақда Россия презиенти матбуот котиби Дмитрий Песков маълум қилди.
“У ҳақиқатдан ҳам музокараларнинг бошланғич даврида иштирок этган. Ҳозирда икки давлат вакиллари томонидан мулоқот давом этмоқда”, – деган у.
Бундан аввал The Wall Street Journal Владимир Зеленскийнинг Абрамовични қора рўйхатга киритмасликни сўраб Байденга илтимос билан мурожаат қилгани ҳақида ахборот тарқатган эди.
Эслатиб ўтамиз, аввалроқ Британияда рус олигархларининг санкцияларга тушган уйидан гуманитар мақсадларда фойдаланилиши мумкинлиги ҳақида хабар қилинганди.
