Австралия ҳам рус дипломатларини чиқариб юбориши мумкин
Аввалроқ Польша шундай йўл тутганди.
Австралия ташқи ишлар вазири Марис Пейен Россия дипломатларининг мамлакатдан чиқариб юборилишини истисно этмади. Бу ҳақда "ТАСС" хабар берди. Вазирнинг сўзларига кўра, бу Украинадаги вазият билан боғлиқ.
"Биз ҳеч қачон Украина инқирозига дипломатик ечим топишдан тўхтамаганмиз. Бунинг учун мулоқот имкониятларини сақлаб қолиш муҳим", — деган Пейн. Унинг қўшимча қилишича, РФ элчисининг чиқариб юборилиши эҳтимоли сақланиб турибди. Шу билан бирга дипломат Россия билан тўғридан-тўғри алоқа каналларини сақлаб қолиш муҳим эканини қайд этган. Элчихона эса ана шундай каналлардан бири ҳисобланади.
Ўз навбатида Россия дипломатик ваколатхонаси ҳолатга изоҳ берар экан, бу каби баёнотлар биринчи марта берилмаётганини маълум қилган. "Канберрага Москва билан мулоқот канали керакми-йўқми — буни ҳал қилиш вақти келди", — деган РФ элчиси Алексей Павловский.
Эслатиб ўтамиз, аввалроқ Польша 45 рус дипломатининг мамлакатни тарк этишини талаб қилганди.
