“Дамас”ига “мигалка” ўрнатган андижонлик ҳайдовчига чора кўрилди
Ҳозирда унинг машинаси жарима майдонига олиб кирилган.
Ижтимоий тармоқда “Дамас” русумли автомашина ҳайдовчиси йўл ҳаракати қоидаларини четлаб ўтиб, транспорт воситасига ялт-ялт ёнувчи маёқча ўрнатган ҳолда ҳаракатлангани акс этган видеолавҳа тарқалди.
Маълум қилинишича, ҳолат юзасидан Андижон вилояти ИИБ ЙҲХБ ходимлари суриштирув олиб бориб, автомобиль ҳайдовчисига нисбатан Ўзбекистон Республикаси Маъмурий жавобгарлик тўғрисидаги Кодекснинг 127-моддаси иккинчи қисми билан баённома расмийлаштиришган.
Шунингдек, унинг автомашинаси вақтинча сақлаш учун жарима майдонига қўйилган.
