Яна бир давлат Россия ва Украина ўртасида воситачи бўлиш истагини билдирди
Аввалроқ Исроил ва Туркия шундай таклиф билан чиққанди.
Бразилия Россия ва Укриана музокараларида воситачилик қилиш истагини билдирди. Бу ҳақда мамлакат ташқи ишлар вазири Карлос Франса маълум қилди.
“Тинчликка эриша оламизми – буни билмайман. Биз бу низо бўлаётган жойдан узоқдамиз. Аммо Бразилия тинчликка йўналтирилган ташқи сиёсати ва БМТ консенсус позициясидан келиб чиқиб ушбу мулоқот воситачиси бўлиши мумкин”, – деган у CNN Brasil’га берган интервьюсида.
Шунингдек, у АҚШ давлат котиби Энтони Блинкен билан бўлиб ўтган мулоқотида Россияга қарши санкциялар унинг бутун дунёдаги ҳамкорларига зарба бераётганини айтганини маълум қилган.
Аввалроқ миллиардер Роман Абрамович Россия-Украина музокаралари ташкиллаштирилишида иштирок этгани ҳақида хабар берилганди.
