“Туямўйин” гидроузелида корхона пуллари талон-тарож қилинди
4 нафар мансабдорга суд томонидан жазо тайинланган.
Ижтимоий тармоқда Туямўйин гидроузелидан фойдаланиш бошқармасининг молиявий фаолияти тўғрисида танқидий мақола эълон қилинди. Ҳолат бўйича вилоят прокуратураси ўрганиш ишлари олиб бориб, қуйидагиларни маълум қилди.
Ўрганиш давомида Туямўйин гидроузелидан фойдаланиш бошқармасининг 4 нафар мансабдор ва моддий жавобгар ходимлари корхона маблағларини талон-торож қилганликлари аниқланган.
Уларга нисбатан Ўзбекистон Республикаси Маъмурий жавобгарлик тўғрисидаги кодекснинг тегишли моддалари билан ҳуқуқбузарликка оид иш қўзғатилган ва Тупроқалъа туман суди томонидан тегишли жазолар қўлланган.
