Блинкен Россияни нефть ва газдан сиёсий қурол сифатида фойдаланишда айблади
Аввалроқ Евроиттифоқ 2027 йилга қадар Россия энергетикасига қарамликдан қутулишни мақсад қилганди.
Украинадаги вазият бутун дунёда озиқ-овқат ва энергетика етишмовчилигига сабаб бўлди. Бу ҳақда АҚШ давлат котиби Энтони Блинкен маълум қилди. Давлат котиби бу ҳақда Марокашнинг Medi1 TV телеканалига берган интервьюсида айтган. Унинг фикрича, Украина атрофидаги вазиятнинг таъсири бутун дунёга сезилмоқда.
“... бизда озиқ овқат етказиб бериш билан боғлиқ муаммолар вужудга келди, бу айниқса, буғдой экспортига тааллуқли”, – деган Блинкен.
Дипломатнинг сўзларига кўра, яна бир муаммо энергетикада вужудга келган.
“Европа Россия нефть ва гази импортини диверсификация қилиш ғоясига жиддий эътибор қаратмоқда. Чунки, Москва улардан сиёсий восита сифатида фойдаланмоқда”, – деб қўшимча қилган у.
Аввалроқ Евроиттифоқ 2027 йилгача Россия газидан халос бўлмоқчилиги тўғрисида хабар берилганди.
