Украинадаги уруш туфайли Франция ҳарбий разведкаси раҳбари ишдан олинди
У 7 ой давомида махсус хизматга раҳбарлик қилган.
Франция ҳарбий разведкаси раҳбари генерал Эрик Видо истеъфога чиқарилди. Бу хақда L'Opinion газетаси хабар берди.
Видо ушбу лавозимда 7 ойдан ортиқ хизмат қилган. Унинг истеъфосига Украина инқирози даврида разведканинг етарли даражада ишламагани сабаб бўлган.
Франция ҳарбий разведкаси тўғридан-тўғри мамлакат қуролли кучлари бош штабига бўйсунади. Бундан олдин штаб бошлиғи Тьерри Бюркар француз махсус хизматлари Украина инқирози арафасида вазиятни нотўғри баҳолаганини айтганди.
L'Opinion маълумотларига кўра, Видонининг ўрнига генерал Жак Ланглад де Монгро тайинланади.
Аввалроқ Франция ва Россия президентлари ўртасида телефон мулоқоти ўтказилгани тўғрисида хабар берилганди.
